PREMIE'RE ENTRE'E Pour Monsieur de Francine, representant l'Extravagant Ie suis inconstant & volage, Plus ie faicts de desseins moins ie produicts d'effects, I'entreprenstout, ie me tout en usase, Et quand i'ay commancé ie n'acheve iamais, Mais avec cette humeur legere & vagabonde, Ie represente bien du monde, Et i'ensuis un Tableau ridicule & bien faict, On se mocque, on se rit de mon extravagance, Et sans que l'on y pense, Tel se moque de moy qui rit de son portraict.

II. ENTRE'E Pour Monsieur Giroust, representant le Sommeil, et Messieurs De Chaumeliset Perret, representants les Songes Aux Dames Ie suis Maistre en tous lieux ou ie me puis espandre, Et mesme malgré vous, Ie m'en va ceste nuict sur vostre sein m'estendre, Ou ie vous baiseray sans faire aucuns ialoux, Ie sçay captiver les plus belles, Ie passe les nuicts avec elles, Ie ne crains point leurs cruautés, Et pourtant de faveurs ie leurs donne ces songes, Qui sont d'agreables mensonges, Que ie puis aisement changer en verités

III. ENTRE'E Pour Monsieur Le Sec, representant une Vieille Requinquée Vaine & fugitive beauté, Ie rendois autrefois un Amant idolatre, Maintenant ie n'ay plus que des os & du plastre, Tant le sort a de cruautés ? Mais ce reste de bonne mine, Me faict bastir fur ma ruine, Reparant les deffaults de nature de l'art, Qu'un ieune approche sqa moustache, Ou bien le bout de son pennache, Il sera bien tost pris dans la glus de mon fard. Pour Monsieur Baudot, representant un homme moitié Procureur & moitié Soldat Vous qui cherchez les biens qui font aimer la terre Soiés ce que ie suis, faictes ce que ie faicts, Avec aucthorité vous pillerez en guerre, Avec impunité vous vollerés en paix.

IV. ENTRE'E Pour Monsieur Le Duc, representant une Chimere Autrefois i'estois dans le monde, De ces Extravagants, De qui l'humeur en changements seconde, Cherche tout & fuit tout presque en un mesme temps, Tantost ie fulminois, tantost i'estois tranquille, Tantost i'aimois les Champs, tantost i'aimois la Ville, Tantost i'estois meschant, tantost homme de bien, De sorte que les Dieux voulant me satisfaire, Pour estre tout & n'estre rien, Me convertirent en Chimere.

V. ENTRE'E Pour Messieurs De Moniay, De Barbizy, Bossuet le Cadet, & de Vefre, representans quatre Monstres Aux Dames En vain pour eviter les traicts de vos beautés, Nous avons ces corps empruntés, En vain nous paraissons en l'estat ou nous sommes, Bien plus fortes qu'Hercule, & plus nobles que luy, Belles vantés vous aujourd'huy, De surmonter en nousdes monstres & des hommes.

VI. ENTRE'E Pour Messieurs Bossuet l'Aisné & Morel, representans Deux Voleurs sortans des Bois Aux Dames Ne craignés rien belles Deesses, Bien que de vous voler, nous ayons le desir, Nous n'en voulons qu'à vos caresses, A vos coeurs & a ces richesses, Que vous perdez avec plaisir

VII. ENTRE'E Pour Messieurs Giroux & Commeau, representans deux Pantalons, sortans de dessoubs la Robbe d'unr grande de Femme en machine Aux Amoureux Amants qui comme nous avez l'ame abusee, Encor que nous soyons des objets de risée, En cherchant peu de biens par des travaux si longs. Ne riez poinct de nos servages, De nos corps, ny de nos visages, Puisqu'en Fouts & en Patalons, Amour peut changer les plus sages.

VIII. ENTRE'E Pour Messieurs de Moniey, Bossuet le Cadet, & Le Sec, representans Trois Foux qui trainent un Chariot, ou est la sagesse Dans la confusion dont la terre est si pleine, Et voyant aujourd'huy le rang que nous tenons, Qui pourra dire sans peine, Si la sagesse nous méne. Ou si c'est nous qui la menons.

VIIII. ENTRE'E Pour Monseigneur le Duc, representant une ombre, qui se change au Soleil Pour Messieurs De Barbisy & Deschamps, representans des Phantosmes qui se changent en Estoiles Aux Dames Belles nous sommes des Phantosmes, Composez de vent & d'athomes, Capables maintenant d'eefrayer les plus forts. Mais pour vostre plaisir & pour vostre asseurance, Vous avez la puissance, De nous faire prendre des corps, N'admirez si l'esclat soudain nous accompagne, Vous faitestous les iours un miracle pareil, Mesdames vous sçavez qu'un peu de blanc d'Espagne, Peut changer une ombre en Soleil.

X. ENTRE'E Pour Monsieur de Chaumelis, representant un Coq sortant d'un oeuf Ie suis ce Coq audacieux, A qui ça ba s toute autre cede, Brave fils d'un oeuf glorieux, Plus fameux que celuy de Lede, Son germe par tout renommé, Encore qu'il fust animé, Sa valeur tout d'un coup ne vient en evidence, Cet oeuf en vaut un million, D'où sort la terreur du Lyon, Et qui peut engendrer au poinct de sa naissance.

XI. ENTRE'E Pour Messieurs Bossuet l'Aisné, & Baudot, representans deux Sergens de Maire qui portent deux Simaises d'où sortent deux Petits Garçons Nous assignons les plus belles, Qui ne sont iamais rebelles, Lors qu'avec deux petits recors, Nous les contraignons par corps.

XII. ENTRE'E Pour Messieurs De Barbisy & Morel, representans deux Centaures qui sortent d'un Rocher Que le monde luy-mesme est une estrange beste. Nous sommes bestes par le bas, On censure iusqu'a nos pas Et tel est beste par la teste, De qui l'on ne se moque pas.

XIII. ENTRE'E Pour Messieurs De Vesfres, Bossuet la Cadet, & Deschamps, representans trois Singes sortans d'une Caverne Aux Dames Il n'est point d'Amant discret, Qui sçache mieux que nous retenir son secret, Ce que l'ont dit par tout nous le sçavons bien taire. Mais ce qu'on faict par tout nous le sçavons bien faire.

XIIII. ENTRE'E Pour Monseigneur le Duc, representant la Richesse, & Monsieur Giroux representant la Pauvreté qui sortent d'une Montagne d'or La Richesse De cent & cent flateurs i'attire les caresses, I'amene les plasirs ie chasse les tristesses, Mais il faut bien user des biens que nous faisons, Ou ie laisse apres moy cette pasle indigence, Pour prendre la vangeance, Du mespris qu'on faict de mes dons. Touiours aupres de moy i'ay cette miserable, Ie la garde avec moy dans ce monde adorable, Pour estre tousiours preste à suivre mon vouloir, Ainsi dedans le Ciel, les Dieux ont le tonnerre, Toussiours prest à punir, la Terre, Quand elle choque leur pouvoir.

XV. ENTRE'E Pour Messieurs de Moniey, Bossuet l'Aiesné, Commeau, Morel & Baudot, representans des Paysans qui dansent à la Vilageoise Aux Dames Mes Dames si en nostre Dance, On ne remarquera la cadance, N'en faictes mauvais iugement, Car une simple creature, N'a iamais aultre mouvement Que celuy qu'apprend la nature.

XVI. ENTRE'E Pour Messieurs Perret & Deschamps, representans deux Cuiseniers de vilage, & Le Sec representant un joüeur de tambour de Basque Nis vrais haubois sont les bouteilles, Leur son nous faict faire merveilles. Et s'accordent bien au tambour. Bacchus donnant le bal avec la bonne chere, Nous enseigne des pas qu'on ne pratique guere, Et qu'on faict plus souvent en cuisine qu'en Cour.

Intermede Les Fourberies

Premiere Entrée Pour le Sieur Bichot, representant Forbas Ie suis le maistre des Pipeurs. Ie suis le Pere des trompeurs Et n'ay pas moins d'enfans que l'homme sur la terre. Ils sont si instruicts en ces faits vertueux, Que soit ou en paix ou en guerre, Ie m'estonne auiourd'huy que i'en sçache moins qu'eux.

II. Entrée Pour les Sieurs Martin & Grusot, representans un Coupeur de bourse & un Aleman En ce mestier si dangereux, Un seul coup nous peut faire heureux, Mais le monde a tant de finesse, Qu'elle nous rendroit tous caymans, Si quelquefois en une presse, Nous ne treuvions des Alemans.

III. Entrée Pour le Sieur Moreau, representant un Banqueroutier Aux Dames Mes Dames prestez moy, Ie vous donne la foy, Que ie ne fuiray avecques vostre debte, Mais ie vous feray voir, Que sans m'en prevaloir, Ie rends aussi tost qu'on me preste.

IIII. Entrée Pour les Sieurs Morelet & Guenebaut, representans un Procureur & son Client Aux Dames Beauté's dignes sujects de nos plus belles causes, N'escoutez pas les choses, Que ce triste Client invente contre nous, Mettez nous dans les mains les pieces d'une affaire, Nous la sçaurons bien faire, Et nous n'en voulons point d'autres Iuges que vous.

V. Entrée Pour le Sieur Martin, representant un Espion Aux Dames Ie suis un Espion d'amour, Qui souvent me treuve à la Cour, Affin d'en attraper quelqu'une, Mes Dames si ie suis surpris, Ie ne plaindray mon infortune, D'estre pendu à vous par Arrest de Cypris.

VI. Entrée Pour les Sieurs Morelel, Bichot & Grusot, representans le Mary, la Femme & l'Amy le Mary Sans faire de mauvais menage, Ie trompe ma femme aidement. l'Amy Et moy bien plus facilement, Ie trompe un mary trop volage. la Femme Mais moy bien plus subtile qu'eux, Ie sçais les abuser tous deux.

VII. Entrée Pour les Sieurs Guenabaut & Moreau, representans un Boyemien & un Amoureux de Village Ie promets à ce pauvre amant, Qu'il aura du contentement, Mais selon mon mestier ie le trompe sans doubte, Et comme un Amoureux croit son bien aisement, Il se trompe luy-mesme à l'instant qu'il m'escoute. Autre aux Dames Lors que ie prédits aux Amans, Et du repos & des contentements, Ie leur dits souvent une fable, Mais si ie ments quand ie flate ces Fous, Il ne tiendra qu'a vous, Qu'on me treuve veritable. Pour Neuf Cavaliers Dansans le Grand Ballet Aux Dames Plus invincibles que Mars, Nous triomphons de toutes parts, Il n'est rien de si fort qui ne cede à nos armes, Mais quelque bien qu'on treuve à se voir indompté, Ce n'est que dans les fers ou nous mettent vos charmes Que nous establissons nostre foelicité.